1. 1.1 Әзірлеуші оқытушылар туралы мәліметтер:

Сабақ жүргізетін оқытушылар Жақсылықова К.Б. – п.ғ.д., профессор, Тұрсынова Г.Т. – п.ғ.к., проф, Шүленбаева Ұ.Р. – ф.ғ.к., профессор, Әбдісүлейменова Р.Ш. – п.ғ.к., доцент

Байланыс түрі 257-71-82, 257-72-70

Кафедрада болатын уақыты БОҒ, № 610, 612 кабинеттер

2. 1.2 Пән туралы мәліметтер:

Пән атауы Қазақ тілі .

Кредит саны 3 .

Өткізу орны Бас оқу ғимараты

Оқу жоспарының көшірмесі

1-кесте

Курс	Семестр	Кредиттер	1 аптадағы академиялық сағаттар				Бақылау түрі
			Практикалық сабақтар, 1 аптадағы академиялық сағаттар	СОӨЖ	СӨЖ	Барлығы, 1 аптадағы академиялық сағаттар
1	2	3	4	5	6	7	8
1	2	3	1	1	1	3	емтихан

1.3 Пререквизиттері:

Студенттердің орта мектептегі «Қазақ тілі» пәні және бірінші курста өтетін «Қазақ тілі» (елтану) курсы бойынша қазақ тілінің грамматикалық заңдылықтары, табиғаты және қазақ халқының тілі мен ділі, салт-дәстүрі, мәдениеті, елі, тарихы жайында игерген білім, білік дағдылары, сонымен қатар бірінші курста өтетін «Ақпараттық жүйе», «Есептеу техникасы», «Жүйе және желілерді программалық қамтамасыз ету», «Ақпараттық қауіпсіздік жүйесі» мамандықтарына қатысты арнайы пәндер бойынша игерген теориялық білім мазмұны.

1.4 Постреквизиттері:

Студенттер «Қазақ тілі» (ақпараттық-коммуникациялық технологиялар мамандығына оқитын студенттер үшін) пәні бойынша кәсіби ұғымдар мен терминдердің өзіндік ерекшеліктерін ұғынып, сапалы меңгерсе, кәсіби тілдік қатынаста оларды еркін қолдана алатын болады

1.5 Пәннің қысқаша мазмұны

Ұсынып отырған курс мазмұны студенттерді ақпараттық-коммуникациялық технологиялар мамандығына қатысты ұғымдардың мемлекеттік тілде берілуі, компьютер, есептеуіш техниканың даму тарихы, әлемдік ғаламтор, компьютер құрылымы, ақпарат, кибернетика, электроника, телекоммуникация, радиотехника, ақпараттық қауіпсіздік жүйесі сияқты мәселелермен таныстырады. Сонымен қатар танымдық-тәрбиелік тұрғыдағы техникалық мәтіндермен жүргізілетін әр түрлі жаттықтыру жұмыстары мен тапсырмалар қатысымдық бағытта жүйелі түрде ұсынылады.

Қазақ тілін оқытудың мақсаты – техникалық жоғары оқу орнының студенттеріне мемлекеттік тілді қатысымдық қырынан мамандықтарына сай меңгерте отырып, олардың кәсіптанымдық, ұлтжандылық қасиеттерін дамыту.

Осы мақсатты жүзеге асыруда қойылатын міндеттер:

• студенттердің кәсіби ұғымдар мен терминдердің мән-мағынасын саналы түсіну қабілетін қалыптастыру;

• олардың мамандыққа байланысты ақпараттарды оқып, түсіну қабілеттерін жетілдіру;

• олардың мамандыққа байланысты ақпараттарды тыңдап, түсіну қабілеттерін жетілдіру;

• мамандығына қатысты қазақша дұрыс сөйлеп, сауатты жазу дағдыларын жетілдіру;

• кәсіби мәтіннің жеке мағыналық бөліктері бойынша негізгі ақпаратты ажыратып ала білуге машықтандыру;

• кәсіби бағыттағы диалог мазмұнын түсініп, қатысымға түсу ниетін қалыптастыру;

• кәсіби мәтінді түсініп оқу, оның мазмұнында берілген ойды ауызша қайта жаңғырту немесе оның аңдатпасын жазбаша түрде беруге машықтандыру.