Күүкд күн-күчр үг!

Күмни ээҗ-күүкд күн! Таңсглж, нөөсн шүлгән Тандан нерәдх күцлтәв.

Күмн әмтиг төгәлң бүслсн— Күчтә сәәхн үглм!..

Күн болһна җирһл эклсн — Күүкд-күн — герлм!..

Усна көвәд харһв чигн, Уулин белд үзв чигн, Уульнцд зөрлцәд һарв чигн Ухандм эдн уята!

Эдн дунд ээжм билә.

Эгчнр, дүүнрм —эдн, Эңкр үрдм-эднә җирһлд, Эврә кишгм — эднә һарт.

Эн өргн Нутган Эргәд йовад хәләһит, Элдв күүкд улсан Эврә нүдәрн һәәхит:

Хамань авад хәләвчн Хәәртә мана күүкд-күн;

Бүлдән бәәхләрн-ульһн, Бүсән бүслхләрн-баатр.

Иатжасн түүмрәс әлго ордг, Шаргҗасн сумнас сүрдлго дәврдг, Кергнь харһад ирхлә Космос һатлад ирдг,

Эдл-ахудан шамдһа, Эврә жирһлдән кинмһә, Советин нутга күүкд-күн — Соньн сәәхн күн!..

Үүлдврин икәс хөөһдго, «Үкдг чөлән» болдго, Ицгтә кишгин булг, Иньгин седклин тулг;

Целкән жирһл, эклсн, Дурни үндсн болен Мана сәәхн күүкд—улс, Мснд амһулң —җирһтн!..

Ирү хәләцтн мөңкртхә, Илмһә заңтн—делгртхә, Мөн сәәхн зүркнтн

Мөңкин төвкнүн бәәтхә!..

1964 җ., Март сар.

Һазриг өгәнч болһхар

КПСС-н ЦК-н 1964 җилин, Февральск Пленумд

Халх чимксн киитн.

Хавсн сар бегзинә.

Цаһан теңгр цәңкисн, Цасн һоснла керлднә...

Шил-һәрд бәәшңд Шилтңһү күр болжана. Элвг җирһлин эклцд Элчнр уха селвжәнә.

Ленинә келсн герәсәр Ленинәхн сүүр бәрҗәнә, һазриг өгәнч болһхар һәәвһә төрмүд хаһлжана.

Артсн нарна толь дунд Алдр Ильичән үзнәв, Амһулң заягч ЦеКан сүүрд Амлснь күцхд иткнәв.^

Җигтә сәәхн химия Җилвтә күцлд хүврнә. Җирһлин җиндүрт гүүлгня — Җисәнә урһцан холвия!..

Урһмл күчлх төриг Усна нилчәр дегжәя, Ухмлта тежәлин тәрәг Ухан-эрдмәр төлҗәя.

Малый, һазрин шимиг Магтн дуулад өргжәя, Маңһс ниһүртә химиг Мана тетклд хүврәя.»

Седклән үнәр өгн Селвгин сәәһинь холһна, Сәксн күцлин негн— Селәнә ахуһан шамдана.

6

Хатханчг зүүһән хурцлҗ Хаалһин хаҗуд цервәнә, Күүнә көләр хатхчкад, Кеөрч бийән буульна.

Көдлмшч терүг үзчкәд Көрңгәриь түүг сөңглв,

Күүнд харшлдгинь уурулад, Кеерин салькнд нискв.

Хар саната хамгнь Хәрнь тиигҗ засгдтха, Хатханчг урһдг ормднь Хавстн цецглх болтха.