— Ээҗ, та ода жүртл юм медхшлт. Нег туһл гисн нег үкрлм. Тер үкр, мана совхозин үкрлм. Совхоз гнсн Советин йосна мал-герлм. Тегәд Советин йоснас әмән әрвлхүв?—гиҗ келәд, Санҗ улвта дулахн орндап орв.

СТАХАНОВЕЦ

Нарн үд болад ирсн цагла совхозин цутхлңгин ар зо дүүрәд мөртә, тергтә, машиТә, йовһн улс хар цахрусн болад-йовна.

Деер аһарт машинә ә шуугна, ,-ик удан хәләлһл уга җнврән нарнд гилэкүләд, ярплан һазрт ирҗ буув.

Маңнадан одн твелтә кер мөртә кү>н зүн ар үзгәс сон тним сайгар дүүлңнүләд орад ирв.

—Хәлә, күчтә күүнтн күрч ирв,— гиж. олн цуһар давтлдцхав.

—Юн болҗахмб?— гиҗ -келәд, Санж мөрнәсн буув.

—Юн болх билә, мөрәр йовснтн болдм, ярплаһар

нисҗ үзх кергтә болҗана,— гиж келәд, комсомолын сегләтр Дорҗ һаринь авч мендлв.

Эн хойриг күцц күүндүлл уга, баглрҗ хурсн олн Санҗиг һазрас өргәд авв. Санҗ сарвлзад, олна һар деер аһарт нисҗ йовад, ярплан деер сууһад бәәв.

1917 җил, Әрәсән пролетармуд һартан 'йосан авсн одр бмший. Түүнәс нааран арвп йисн җил болв. Мана орн-нутг жил болһн эн өдриг байртаһар угтна. Тиигәд, октябрин герләр, энкр партии һардврар, эн эгл олн иим байрта сәәхн җирһҗ эндр өдриг бас өңгрүлҗәснь эн.

Мөрнә урлдан, бөк ноолдан болад, наадн-җирһл болад чилв. А-схнднь совхозин клубд ик хург болв. Хург деер ударник улсиг мөрәлв.

Түрүн болҗ Санҗнн нерн соңсгдв.

Улан эдәр бүркгдсн ут столын ард президиумд суусн Санҗ босж зогсв. Партячейкин -сегләтр Сергеев -келв:

— ...Түмдә Санҗин хәләсн мал эн җил үвләс түрмшг угаһар һарв. Толһа һарутх биш, зәрм үкрәсн җилдән хойр туһл авдг болҗана. үлтүрлхд: эн җил Санҗин гуртд 120 үкр туһлхмн билә, тер ут то үкрмүдәс 122 туһл авв, нег чигн үкр хусрсн уга. Малнь тарһн-цадхлң. Дәкәд мана өмнк нег ик төр — тоона зура күцәлһн.

Санҗ үкрмуд болһнас өдртән тавад литр үс, эс гиҗ җилдән 46 килотрамм тос государствд орулҗ өгх зурата билә. Ода Санҗ 58 килограмм тос государствд орулҗ вгчәнә. Хуучн зураг хамхчад, шиниг һарһҗах совхозин пегдгч ударник түмдә Санҗ болҗана,— гиҗ келәд, Сер-

429

геев Санҗин һар авч мендлв. Санж. һаринь чацһур атхад, хәрүһинь өгв.

Хәләсн туһлмуднь тарһн-цадхлң болн ик үс авсндан Дугла Бул-һн хойр саальчнр бас мөрәлгдцхәв.

Хургин сүүләр совхозин директор Хар Санҗд еөрдҗ ирәд келв:

— Санҗ, би бас нег бичкн буру йовдл -һарһҗаҗв. Үнәр келхд, би чамаг иткдг уга биләв, яһҗ медхв, эцкньхулхач бәәсн, көвүнь бас эцкиннь уха дахвзго — гиҗ сандг биләв. Ода, чини көдлмшиг һарарн бәрәд, нүдәрн үзәд, чамаг йоста комсомолец бәәсиг медүв. Нарком совхозин зөвшәләр өдрә дирек-цин хург деер ча-маг фермин залач тәвх болҗ шиидв бидн. Хәрнь диилврән алдл уга, үзлтә фермин төлә зүткич,— пиҗ келәд, һаринь атхв.

Санҗ һаринь атхад, хәрүһинь өгв. Хург хаагдхла, баһчуд тал ирв.

Баһчуд заа-гт ирәд зогсн пиҗ йовад, «Санҗ!» — гисн дуудлһ соңсад, хәрү эргн, Басңгин асгсн хойр нүднлә харһад бәәв.

—Альдас, кезә ирвч?—гиҗ сурад, Санҗ үүрләрн мендлв.

—Сурһулян чиләһәд ирләв, багшлҗ бәәнәв,— болҗ

Басн. хәрүһинь өгв.

Генткн харһчкад, күүндх төр-мүд олн болчкад, алькинь куүндхинь медҗ чадад, хойр иньг хәләлдҗ зогсцхав.

Иигҗ зогсҗ бәәһәд, үүрән сүүвдҗ авад, хәрү эргәд һарч йовад, Шикрән мелмлзгсн чирә үзн, хар күрңтрҗ улав.

!1Пикрә змчин сурһуль чиләһәд ирҗ. һурвн үүрмүд клубас һарх санатаһар үүдн тал һарлһнлань:

—Санҗ, менд?— гиҗ сурад, Ботха Тавн хойр зогсав.

—Менд, менд, тадн чигн ханядн-тома уга бәәцхә- нт,—гиҗ келлһнләнь, Ботха Санҗиг маңнаһаснь үмсв.

—Чамаг әвртә ударник бола бәәтл бидн гертэи кев-

тхмб энч?— гиҗ Тавн инов.

—Санҗа, ода кезәнь багш болхмч?— гиҗ Ботха наадлв.

—Орн-нутган олзта, тустаһар, седкл-ухаһан эврәннь кеҗәсн кергтән өгәд көдлхлә, школын багш болсн, сов-

хоэин үкрч болсн йилһәс бәанү,— гиҗ келәд, Санҗ үгән чиләв.

430