бригадир тәвх күн хәәгдхлә, цуг малчнр энүг нег дууһар шиидҗ бри­гадир тәвсн болдг.

Әмтнә нәәллт чик болад, Савһр бригадир болсна хөөн бригад үс сааҗ авлһан зөвәр өөдлүлв. Не тигәд, Савһр директории кабинетд юрҗ ирнә.

— Юн гидг бәәдл болҗахмб энчн, директор,— гиҗ эн эклв.— Саа- .лин үкрмүдт өгх хотин кемҗәг дакад хасдгнь кенә аальв? Киитрх дут- ман малый хот немнә гидг билә...

— Зоотехниклә күүндтн, — гиҗ ахрар келәд, директор хаҗудан суусн шар кожанкта, бөдүн хар залу тал заав.

— Би юн гиҗ күүндхв? Тана зааврар бидн келәвдн,— болад зоо­техник дор ормдан нүүхлзв.

Директории аалинь меддг Савһр тесҗ бийән бәрҗ чадсн уга:

— Директор, би чини домбрт тавшад дасад бәәләв. Зуг, нег-негән заахан меднәт. Болх ода, би цугинь келҗ өгнәв,— болад Савһр зогсҗ өгшго деерән һарв.— Яһад малын хот хасҗахитн би меднәв. Дала өвс, ■силос белдсн нер цаасн деер һарһчкад, ода тер худлан дархар бәәцхә- нәт. Хавраһа хатханчгас талдан юмн урһдго, хорханцгта элсн деер эрдни-шишә авч оч тәрләт. Түүгән яһҗ урһҗахинь хәләхәр одчкад, юм олҗ чадсн уга биләт. Эс урһсн тәрәһән нег тал орһад йовҗ одв гиҗ цааснд бичсн угат, урһсн өвсәр үкрмүд асрлавдн гиҗ бичҗәнәт. Хойр зун га һазрт хавст урһаҗ авад, өрәлинь һазртнь үлдәҗ үрәләт. Түүгән кенд өгсәр цааснд бичвч?

Директор Савһриг яһад болвчн зогсахин арһ хәәв, болв райкомин инструктор энүг хөрәд, Савһриг: «Келтн, келтн»,— гив.

Савһр цааранднь келв:

— Махнд орулҗ өгсн малын худл цаасар үксн хөөдән бултулнач... Болх! үкрин хотиг бичә көндә. Болх, көдлмштән однав,— болад, Савһр һарч одв.

Тер өңгрси уршгта йовдлиг ухалад, эндр көдлмшәсн көөгднүв, маң- һдур көөгднүв гигәд, өдрән тоолад, директор һурниһәд суудгнь эн.

Дасад бәәж.Л эн

Җавада гергн гүүлгәнә халхин көдлмшд «и>к дамшлтта күн. Ода энтн универмагин эд-тавр хадһлдг складин заведующ. Хөрәд эргн җилин туршарт Җавада мел эн алдар эргә. Нег цагт энтн райпотреб- союзин ахлачин дарук болҗ көдлҗәлә, хулдач болҗ чигн көдллә.

Мана универмаг урдк дальҗисн гертән уга. Дүцгәсн ик цаһан герт орла, дотркнь сәәхнәрн күүнә нүд эрәтрүлҗ байсана.

Урд цагт Җавада эн көдлмштән дамшлтта нер авчксн билә. Тер алднд энүнә ухан-седклнь күццдән идәһән авч батрла гиҗ келҗ болх- мн. Яһад тиим болҗахинь кемҗәнә, зуг цаг улм уралан йовад, хамг өсҗ-өргҗҗ йовх цаг дахҗ Җавада эврәнни көдлмшәрн уралан йовсн уга. Тер бийнь энтн баһ үүл дааҗахш.

Урдк дәәнә ховр цагт лавкд ирсн кемҗәтә эд-тавриг ямаран дигтә кевәр, ө-һундл угаһар әмтнд түгәхв гих кесг зовлң Җавадад учрдг билә. Болв, тиим түрүһәс сәәхн эвинь олад һардг арһ энүнд бәәсмн. «Күүкд- тә керәд өтг күртхш» гидг үлгүрт энтн авгдҗ өгдг күн биш. Тиикәрә Җавада һурвн-дөрвн күүкдтә бәәсн бәәнәлм. Болв, кинән бәрц ха- тучд хүврхлә, тер му. Кемр хатуч болчкад, «хаана хүрм хармнхла», түүнәс үлү му эс болхий. Эн уханла ирлцм дүңгә иим иег уршгта юмн болв.

Хойрхн җилхооран мана района центр балһснас долан дуунад билә. Эндр болхла, бидн балһсна улс болувдн. Ик гидг тосхлт балһсн селән хойриг негдүлҗ оркв. Района центрәс йоста гидг балһсна дүр һарв: олн давхр гермүд босцхав. Эн гермүдт икнгихдән нефтяникүд болн тосхачнр орҗацхана.

36