Хәләц мет гүн Хаалһинь уралан өск!

Алдрсим зуг күцхдм Амрар бичә өңгл, Адргар, көл нүцкн Арһлхим нанд иткүл, Җирһлинни цөкцән дүүрң Җилмүдлә хувацхим дөңн!

НАРМИН М.

ГИИЧД ОДЛҺН ГРУЗИН ОРНД

(поэм, эклцнь негдгч номерт)

ХААЛҺ

Теегин өрд төрәд Темән деер өсләв, Тер малас өндрнь Тас уга болһлав.

Үр сарин ноһанд Эңднь хөөг делүлчкәд, Толһа деер һарад Теегин теңгр һәәхдв.

Элә шовуд аһарт Эргҗ сәәхн нисдг, «Эднлә деңцәд һархнь?» — Иим ухан ордг.

Үвл-зун уга

Ора деернь цасн архлата, Өндр уулмуд Хөөннь үзҗ

өврмҗ бахм хандго.

Өндр уулмуд, элә шовуд Оньдин деер болдг, Өөдләд танас давх ода цаг ирв.

«Ту» самолет көлгләд Тбилиси орад һарвв Көк аһарин дүүрәг Керчәд эрстнь нисвв.

Кавказин өндр уулмуд Көл дорм кевтнә, Теңгрт хадгдсн араднь Тенд хол яралдна.

«Ту» машим дуулна, Теңгрин аһарт усчна, Манас өндрнь бәәдв, Марһхар кен седхв?

Теегин темән гий?

Төгәлҗ нисдг эләй? Оньдин цаста уулий? Аль дакад кемб?

Нанас, советск күүнәс өндрнь-

Нарт делкәд нань уга, Орн-нутгин күчнь — тиим. Олна көдлмшин ашнь — иим„

Тбилиси

Тбилиси балһснд күрәд «Ту» шуугҗ буув, Балһс һәәхх санаһар Байрта һарч йовв.

Өндр көк уулмуд Эңдән төгәлҗ яралдна Теднә дунд шахгдад Тиньгр хотхр кевтнә.

Кура һол көөстәд Керчәд хотхриг давна, Хойр аминь көөһәд Хотл балһсн дүңгәнә.

«Тбилиси»—балһсна нерн_г «Дулан» — мана келнд, Таалмҗ седклд болна, Дүңгәһәд налаһад бәәнә.

30

Хөвтә күн бәәҗв «Хөртә күүк» үзв, Седклм талваһад бәәв: Сенр концерт болв.

Грузин улсин би һал-цогшң буслна, Зурнэн айс соңсхла Зүркн 'өрчдән бульглна.

Нисәд, деләд бииллдв Ниицәд залһа татлдв, Яһсң улс иигҗ биилдв, Яһад көл тесәд бәәдв!

Баахн күүкн һарч ирв,

Бамб цецг,’ эрвәкә. Көлиннь хурһар эрвнә, Көндәһәд көлән өргнә.

Үй-хай угав?

Унтад унҗ одв.

Көлән сольвад дошв, Күзүнь цорхтад нәәхлв.

Өскә-зууза харһулв, Өөдән-хооран нисв. Өлвкәд босад ирв, Өкәһәд ханлт өргв.

«Медея, Медея!» — гиҗ Мел цугтан ниргв, Көркхн күүкн Медея Күзүһән өкәлһҗ гекв.

Бүкл зал боев, Бахтҗ альх ташлдв, Бәәгәд, чишкәд бәәв, Бамб цецгүд шивлдв.

ТАМАРА

«Амртха» гиҗ зарлснд Әмтн шуугад босв, Олнас ард үлдҗәхшив: Өмәрән йовҗ шинҗлүв.

Хөн сарин эклцәр Хальмг теегт йовшңг, Кесг зүсн цецгүд Ке сәәхн үзгдв.

Хувцнь гидм болхла Хальтрад нүдн бәәнә: һазр-усначн зүстә, һал-одначн дүрстә.

Әмтнә бәәдл һәәхәд Амр төвкнүн йовлав, Эгл күүк үзәд, Эргн, тогтн тусвв.

Төгрг хар нүдн Төвкнүн өмнәсм хәләв, Өкәр цаһан чирәнь Үзгдсн бәәдл һарв.

Гүрәтә хар үснь һол цокҗ саглрна, Эвтәкн бичкн цогцнь Эрвәкә болҗ эрвлзнә.

ЗГ