- •Baylıq penen aqıl Tekseriw diktantı
- •Jazlawda Kóshirip jazıw diktantı
- •Qasharmannıń qızıgı Kóshirip jazıw diktantı
- •Qarlıǵash Tallaw diktantı Almasıqtı tabıw
- •Kesirtkeler Tallaw diktantı Sanlıq sózlerdi tabıń.
- •Poshsha torǵay Saylanba diktantı
- •Aǵashlı-putalı ósimlikler Saylanba diktantı
- •Baǵman hám balalar Dóretiwshilik diktantı
- •Ilimli elge nur jawar Erkin diktantı
- •Erkin diktantı
- •Sózlik diktantı
- •Sózlik diktantı
- •Aq terek Túsindiriw diktantı Kelbetlik sózlerdi tabıw
- •Súwretli diktant
- •Shıraq Yadtan jazıw diktantı
- •Miyrigúl
- •Yadtan jazıw diktantı
- •Bóz kóylek Tekseriw diktantı
- •Tábiyat biziń dostımız Kóshirip jazıw diktantı
- •Jolbarıs penen ayqastım Kóshirip jazıw diktantı
- •Ata jurtı Túrkistan Tallaw diktantı Menshikli atlıqlardı tabıw
- •Kishipeyil insan Tallaw diktantı Almasıqtı tabıw
- •Jıl qayırıw Saylanba diktantı
- •Balıqlar qalay qıslaydı Saylanba diktantı
- •Ullı mámleketlik isker, alım hám shayır Dóretiwshilik diktantı
- •Jiyren túege bas qayǵı Erkin diktantı Almasıq sózlerdi tabıw
- •Qaraqalpaq hayal-qızlarınıń kiyimi haqqında Erkin diktantı
- •Sózlik diktantı Eki sestiń qatara keliwi
- •Sózlik diktantı
- •Ǵamxorlıq Túsindiriw diktantı Almasıq sózlerdi tabıń
- •Oqıǵan bala Túsindiriw diktantı Teksttegi irkilis belgilerin tabıń
- •Súysinip kettim Yadtan jazıw diktantı
- •Isti usılay basladım Tekseriw diktantı
- •Adasıp qalǵan qız Kóshirip jazıw diktantı
- •Sútilmek Kóshirip jazıw diktantı
- •Zergerlik óneri Tallaw diktantı Kelbetliklerdi tabıw
- •Tallaw diktantı Morfologiya. Sanlıq teması boyınsha Sanlıq sózlerdiń naqıl-maqallarda qollanılıwı
- •Awırıw qız hám táwip Saylanba diktantı
- •Mıńlardıń biri Saylanba diktantı
- •Densawlıq – tereń baylıq Dóretiwshilik diktantı
- •Ernazar Alakóz – xalıq batırı Dóretiwshilik diktantı
- •Taza hawa – tánge dawa Erkin diktantı
- •Sózlik diktantı
- •Tábiyat hám adam Túsindiriw diktanti Qosımtalardıń qosılıwı menen qosarlı hám eki sestiń dizbeklesip keliwi hám jup sózlerdiń qollanılıwı
- •Súwretli diktant
- •Adam ózin qay jerde qalay uslap tutıwı kerek Yadtan jazıw diktantı
- •Kiyiktiń hújimi Yadtan jazıw diktantı
- •Tekseriw diktantı
- •Ádeplilik-aǵla pazıylet Kóshirip jazıw diktantı
- •Tók tawı Kóshirip jazıw diktantı
- •Ótmishtegi qara úyler Tallaw diktantı Baslawısh hám bayanlawısh gáp aǵzaların tabıń
- •Qaraqalpaq qara úyi Tallaw diktantı Almasıq sózlerdi tabıń
- •Sinonimlerden damitant tabıw
- •Ustaz-atańday ullı Dóretiwshilik diktantı
- •Haqıyqat dos haqqında Dóretiwshilik diktantı
- •Ádiraspan Erkin diktantı Kómekshi sózlerdiń qollanılıwı
- •Nawrız – báhár bayramı Erkin diktantı
- •Sózlik diktantı Sózlerdi buwınǵa bóliw
- •Qúdiretli kúsh Túsindiriw diktantı Menshikli atlıqlardıń jazılıwına itibar beriń.
- •Súwretli diktant
- •Yadtan jazıw diktantı
- •Úlkemizde Nawrız bayramı Yadtan jazıw diktantı
- •Internatta
- •Tekseriw diktantı
- •Qaraqalpaqnama (Roman-esse) Tekseriw diktantı
- •Qaraqalpaq awılları Tekseriw diktantı
- •Quslar qaytqan kún (Povest) Kóshirip jazıw diktantı
- •Qaraqalpaq qızı (Roman) Kóshirip jazıw diktantı
- •Tallaw diktantı Dánekerlerdi tabıw
- •Jolbarıstıń balasın ólimnen qutqardım
- •Saylanba diktantı
- •Shınqobız
- •Saylanba diktantı
- •Qarlıǵash haqqında ápsana hám haqıyqatlıq Dóretiwshilik diktantı
- •Bolarsań Dóretiwshilik diktantı
- •Jaqsılıq etseń ózińe… Erkin diktantı
- •Sózlik diktantı
- •Sózlik diktantı
- •Kóp sóziniń qollanılıwına mısallar jazıw
- •Til haqqında naqıl-maqal hám danalıq sózler jazıw
- •Qaraqalpaq qızı (Romannan úzindi) Túsindiriw diktantı
- •Aqıllı iyt Túsindiriw diktantı Astı sızılǵan sózlerge itibar beriń
- •Súwretli diktant
- •Nawrız-báhár hám miynet bayramı Yadtan jazıw diktantı
- •Bayanlar
- •Kúshik penen bala (gúrrin‘)
- •Jesir (povest)
- •Anamnıń aq súti
- •Túlki menen gúze
- •Nápsiqaw jılan (Qısqa gúrriń)
- •Eshek hám ógiz (Ertek)
- •Qara qozı
- •Arıslan hám adam (Ertek)
- •Aqıllı bala
- •Qaraqalpaqnama (Roman-esse)
- •Qara qus (Hújjetli gúrriń)
- •Nannıń qádiri yamasa qarǵa aylanǵan un (Anam aytqan ápsana)
- •Bantigiń qayda, sińlim?!
- •Quslar patshası (Ápsana)
- •Arıslan menen qoyan
- •Úyrektiń uyası
- •Qayır-saqawatlı is
- •Jılan hám hákke
- •Qaytıp kel, búlbúllerim
- •(Ertek)
- •Bir etek alma
- •Uya sırı
- •Qutlıayaq
- •Arıslan, bóri hám túlki (Ertek)
- •Abonement
- •(Ertek)
- •Qasqırlar menen betpe-bet
- •Qawınnıń shiresi
- •Túye, qoyan hám shıbın. (Ertek)
- •Ǵarrınıń kóz jasları
- •Poshsha torǵay
- •Mútájlik úyretedi (Ertek)
- •Bay hám eshek (Ertek)
- •Qus haqqında ertek (Ertek)
- •Áshkaralanǵan jin
- •Jılqımannıń gápi
- •Tóbesi tesilgen shápki
- •Shıǵarma
- •Tabılmas doslıq (Ertek)
- •Hákim-Ulıqpan (Ertek)
- •Adamnıń ómiri Ertek
- •Shıǵarma jumısı ushın temalar
- •I variant
- •II variant
- •III variant
Quslar qaytqan kún (Povest) Kóshirip jazıw diktantı
Qápelimde balanıń mánisi qashtı. Dál qay jeri awırıp turǵanın bilmeydi, ózin bir túrli awırıp turǵanday seze beredi. Awqat iship, televizor kórip te mánisi bolmadı. Kúndegidey jatar aldında qatarın oqqa toltırıp, mıltıǵın súmbelep qoyıwǵa da zawqı soqpadı. Mıltıq esikten kirgen jerde qalay súep qoyılǵan bolsa sol qálpinde qaldı. Tek shaydan bir-eki urtlaǵan boldı. Sóytti de uyıqlap qalıw maqsetinde ornına kelip jattı. Onıń menen qáne, kózi ilinse! Burınları qıyalına keltirmeytuǵın bir nárseler yadına túsip, kóz aldına ólim halatındaǵı qırǵawıl keldi de turdı. “Ǵı-ǵıq” laǵan ashshı dawıs, jan aybat penen aspanǵa atılıwi, qaytıp jerge jalp etip túsiwi, qanatınan aqqan qıp-qızıl qan, qanatın jayıp jiberip kózleri mólteńlep, es-tússiz jatıwı bári kóz aldında kem-kem janlana berdi. Aqırı dógerektiń bári úy de, zatlar da, adamlar da qıp-qızıl qan bolıp ketti. Ol qannan basqa hesh zat kórmey qaldı. Qıp-qızıl qan kóz aldında sorǵalap tırs-tırs tamıp tur.
“Biyshara qus óldi-aw”-dedi állenemirde ózine kelip. Bunnan basqa oyına hesh zat kelmedi. Azdan soń qıp-qızıl qan, taǵı “ekranǵa” shıqtı. Qarawǵa dińkesi bolmadı, miyi aylandı. (161 sóz) (K. Allambergenov)
Qaraqalpaq qızı (Roman) Kóshirip jazıw diktantı
Bul awıldıń basqa awıllardan bir ózgesheligi Kegeyliniń ırashınıń astında dese de boladı, eń uzaq úyler eki-úsh shaqırımnan aspaydı. Suwı jaqın bolǵanlıqtan ba yaki egis jer tarlıǵınan ba eginlerin úyleriniń irgesine egedi. Bálkim, sonıń ushın shıǵar jazǵa qaray geypara qaqıralardıń qıspalarına qosıla jińishke kók súyrik ósip, hár buwınınıń arası bir qulash bolıp aspanǵa iyrek atıp ketedi de, geyde ústinen adam boyı kóterilip shoshayıp, basın birew arnawlı túrde pıshaq penen jonǵanday súyripelenip turadı, soń-soń birli-yarım japıraq saladı. Awıldıń átirapın baz-bayaǵı kók maysa basadı, sonlıqtan bul awıldıń malına da ráhát, alıslap ketpey-aq otlap júre beredi. Al, shetkerirek shıqqan sayın sheńgellik kóbeedi, boyan molayadı, olardıń arasınan júrseń qapırıq ıssi, buǵan tek shopanlar shıdaydı. Bul sheńgellikti aralasań adım jerden qoyan zońq etip qashadı, soǵan qızıǵıp, bir túp sheńgeldiń túbinde gójegi joq pa dep túrtkilese boldı, hárre sawtanaq jerińdi qoymay gúw basadı.
Jumagúl sońǵı saparı Shımbayda eki qonıp keldi. Bul onıń dúzde birinshi ret qonıp qalıwı edi, biraq bul ádeti anasın da qáwiplendirdi. Tórebay menen Baǵdagúldi de gúmanlandırdı. (159 sóz) (T. Qayıpbergenov)
Tallaw diktantı Dánekerlerdi tabıw
Men Abaz aǵanıń ádiwli bosaǵasında turıp, onıń eki ómirin kóz aldıma keltirdim. Esikti áste jawıp shıǵıp baratırǵanımda ǵana kórip qaldı da, meni shaqırdı. Ol maǵan jasarıp ketken sıyaqlı, al adamlardıń ishindegi eń baxıtlısı sıyaqlı kórinedi. Baxıt sezimi menen tolqınlanǵan júregimdi basıp, onıń aldına otıra kettim.
Burınǵı shayırlardan Maqtımqulını da, Berdaqtı da, qaysısın oqısań da, olar dúnyanı kárwan sarayǵa teńgeredi,-dep basladı shayır. Múmkin, olardıń dáwirinde bul durıs teńew bolǵandı, al biraq men ol teńewdi qabıl etpeymen. Óytkeni jasımda talap izlep, tentirep júrip talay eski kárwan saraylardı kórgenim bar, esitkenim bar. Kárwan qonadı da, tań qarańǵısında ekinshi dárwazadan suwrılıp jolǵa túsedi. Sarayda bir nárse búlinip, shashılıp atırsa da, onıń menen kárwannıń jumısı joq. Al, shınında da, adamlar dúnyaǵa kárwanshınıń názeri menen biyparwa qaramaydı. Adamlar dúnyaǵa kelgende miynet etedi, túrli imaratlar dúzetedi, egin egedi. Zulımlıqqa qarsı gúreslerde ólimge betpe-bet turıp júredi. Jerdiń, juldızlardıń, aydıń, kúnniń sırın ashıwshı ilim jaratadı. Usı miynetti durıs nietli adam tek ózi ushın islemeydi, al, negizinen alǵanda, óz balaları, áwladları ushın isleydi. (160 sóz) (I.Yusupov )