- •1.1 Жорық жолын Мәскеуден бастаған және қорғаған қазақтың ұлттық әскери құрамалары
- •1.2 Ұлы Отан соғысы жылдарында қазақстандық құрамалардың жеңіспен өткен жолдары
- •100 Дербес атқыштар ұлттық бригадасы
- •81 Және 102-атқыштар дивизиясы
- •2.1. Ұлы отан соғысы жылдарындағы аналар мен арулардың еңбегі
- •Әсина Шауқанова
- •Нәписа Мамедова
- •2.2. Ұлы Отан соғысы және одан кейінгі жылдардағы білім саласы.
- •Социалистік Еңбек Ері р.Темірғалиева к.Тоқсейітовамен пионерлер арасында
- •Қорытынды
- •Пайдаланған әдебиеттер тізімі
1.2 Ұлы Отан соғысы жылдарында қазақстандық құрамалардың жеңіспен өткен жолдары
Қазақстанда ұлттық құрамалар да жасақталды. Оларды жасақтау туралы бастаманы соғыстың алғашқы қатерлі кезеңінде одақтас республикалар халық комиссариаттары көтерген болатын. Осыған орай, мемлекеттік қорғаныс Комитеті 1941 ж. 13 қарашада қаулы қабылдады. Осыдан соң қазақстан мен Орта Азия, Закавказье республикаларында ұлттық құрамалар жасақтау жұмысы басталды. Ұлттық құрамалардың жауынгер құрамы, ат-көлігі, киімі, қару-жарағы, олар толық жасақталып, қорғаныс Халық Комиссариатына өткізілгенше, республиканың ішкі ресурсы арқылы жабдықталатын болды. Жергілікті кеңес және әскери органдар жүргізген ұйымдастыру жұмысының нәтижесінде, қысқа мерзім ішінде ірі-ірі ұлттық құрамалар жасақталды. Бұл іс республика еңбекшілері тарапынан патриоттық қолдау тапты. Олардың көпшілігі өз еркімен ұлттық құрамаларға баруға тілек білдіріп отырды. Тек Семей облысынан ғана қысқа мерзім ішінде осындай тілекпен 3000 адам, оның ішінде 450 әйел өтініш берді. Мұндай өтініштер республиканың барлық жерінен де түсіп жатты. Соғыстың тек алғашқы кезеңінде ғана қазақстанда 3 ұлттық атты әскер дивизиясы, екі ұлттық атқыштар бригадасы жасақталды. Олар 105, 106, 96-атты әскер дивизиялары мен Ақтөбеде жасақталған 101, Алматыда жасақталған 100-ұлттық атқыштар бригадалары еді.
Жоғарыда аталған 105, 106 және 96-атты әскер дивизиялары Жамбыл, Ақмола, Өскемен қалаларында үйымдастырылды. Алғашқы екеуі: 105, 106-дивизиялары 1941ж. қараша-желтоқсан айларында құрылса, 9б-атты әскер дивизиясы 1942 ж. ақпан-наурыз айларында жасақталды. 96- атты әскер дивизиясы 1942 ж. сәуірде майданға жіберілді. Бірақ соғыстағы жағдайға байланысты, құрама басқа бөлімдерді толықтыруға пайдалану үшін таратылып, әр түрлі құрамаларға бөлініп кетті.
Сол сияқты 106-атты әскер дивизиясы жасақталып болар болмастан, 1942 ж. наурыз-сәуір айларында таратылды.
Бұл дивизияның адам құрамы басқа әскери бөлімдерге ауыстырылды немесе олардың негізінде жаңа әскери бөлімдер құрылып, кеңес-герман майданының әр түрлі учаскелеріне жіберілді.
105-дивизия бөлімдері 1942 ж. тамызына дейін әскери даярлықтан өтіп, сонан соң майдан сапарына дайындалды. Тамыз айында атты әскер дивизиясының эскадрондары мен полктері Мәскеу түбіне жеткізілді.
1942 ж. желтоқсан айында майданда аз уақыт болған соң, Мәскеу түбінде толықтырылып, осы дивизиянын негізінде б-гвардиялық әуе десанты дивизиясы болып қайта құрылды. Ол 1942-1943 жж. Старая Русса түбінде қоршауға алынған немістің 1 б-армиясына қарсы шайқасқа түсті. 194З ж. жазында атақты Курск шайқасына қатысып, Белгород-Харков бағытында қимыл жасады. Дивизия бұл кезде Дала майданына қарасты генерал-лейтенант А.С.Жадов басқарған 5-гвардиялық армияның басқа да құрамаларымен бірге 1943 ж. 29 қыркүйекте Кременчуг қаласын жаудан азат етті. Енді бұдан былай ол 6-гвардиялық Кременчуг әуе-десанты дивизиясы деп аталатын болды. Бұл кезде 6- гвардиялық әуе-десанты дивизиясының командирі полковник Смирнов болатын. Біздің жерлестеріміздің, әсіресе капитан Б.Доскенов басқарған батальонның ерлік істері дивизия органы «Отан абыройы үшін» газетінің 1943 ж. 5, 13 тамыздағы нөмірінде әңгімеленеді [16].
«Правда» газеті де дәл осы кезде: « ... капитан Доскенов бастаған атқыштар батальоны асқан ерлікпен тіке шабуыл жасап, жауды бірнеше маңызды бекіністерден қуып шықты», - деп жазды.