Лабараторная работа № 3

Iнструмент для апрацоўкi адтулiн

Мэта работы — пазнаёміцца з прызначэннем і канструкцыямі спіральных свердлаў, зенкераў, разгортак; вывучыць геаметрыю інструменту і яго тэхналагічныя магчымасці, па заданню выкладчыка разгледзець асаблівасці геаметрыі інструменту для апрацоўкі адтулін і ўплыў геаметрычных параметраў на якасць апрацоўкі.

Пры выкананні лабараторных работ кіруйцеся наступнымі метадычнымі ўказаннямі.

Лабараторныя работы № 3, 4 аб’ядноўвае тое, што разглядаецца канструкцыя восевага інструменту — пры рабоце ён уяўляе сабой цела вярчэння са шматзубым рэжучым вянцом.

Пачынаць работу трэба з разгляду асноўных канструкцыйных элементаў свердлаў, зенкераў, разгортак.

З дапамогай вугламера замерайце геаметрычныя параметры рэжучых элементаў, разгледзьце, чым яны прынцыпова адрозні-ваюцца ў зенкераў і разгортак.

Звярніце ўвагу, як мяняецца пярэдні вугал у свердла ад стужкі на бакавой паверхні да пяпярочнага канта.

Што дае двайная заточка і падточка папярочнага канта?

Чым забяспечваецца высокая дакладнасць апрацоўкі і чысціня паверхні адтуліны пры разгортванні? Правядзіце аналіз магчымых спосабаў заточкі свердлаў. Як гэта ўплывае на іх працэсаздольнасць?

Расшыфруйце маркіроўку на шыйцы свердла, прывядзіце кароткую характарыстыку інструментальнага матэрыялу.

Фрэзерны інструмент характарызуецца разнастайнасцю як па прызначэнню, размерах, так і па геаметрыі рэжучых элементаў.

Спачатку трэба пералічыць асноўныя тыпы фрэз, іх прызначэнне, замаляваць схему работы фрэз, выдадзеных выкладчыкам. На эскізе правесці галоўную сякучую плоскасць і абазначыць вуглы — пярэдні γ, задні α, вугал завастрэння β і рэзання δ. Вугламерам замераць значэнні гэтых вуглоў, шаг зубоў.

Растлумачце асаблівасці работы фрэз са шрубавым зубам, востраканечнымі і атылаванымі зубамі, спосабы іх заточкі.

Разгледзьце канструкцыі дыскавых і канцавых фрэз, асаблівасці іх геаметрыі.

Удакладнiце асаблiвасцi канструкцыi i геаметрычных параметраў модульных дыскавых i канцавых фрэз.

Уясніце сэнс шматлязовага інструменту з пераменным шагам. Як гэта ўплывае на працэс рэзання ў параўнаннi з iнструментам з аднолькавым шагам?

Разгледзьце канструкцыю фрэзерных галовак, асаблівасці і магчымасці гэтага інструменту, магчымыя шляхі іх удасканалення.

Расшыфруйце маркіроўку фрэз, якая маецца на корпусе інструменту, дайце кароткую характарыстыку інструментальнага матэрыялу, з якога зроблена фрэза.

Прывядзiце прыклады выкарыстання фрэзерных галовак новых канструкцый для апрацоўкi неметалiчных матэрыялаў.

Апрацоўка адтулін — шырокараспаўсюджаная аперацыя, якую праводзяць як на вытворчасці, так і ў хатніх умовах. Выконваюць яе з дапамогай спецыяльнага інструменту, часцей за ўсе свердлаў.

Канструкцый свердлаў даволі многа, самымі распаўсюджанымі на сёння з’яўляюцца спіральныя свердлы са шрубавай канаўкай для выхаду стружкі (мал. 1).

Абазначэнне вуглавых параметраў такое ж, як і на разцах. Свердзел мае два рэжучыхлязаі перамычку. Задні вугал знаходзіцца паміж задняй паверхняй і плоскасцю, перпендыкулярнай да восі свердла. Велічыня задняга вугла павялічваецца ад бакавой паверхні да цэнтра.

Пярэдняй у свердла з’яўляецца паверхня шрубавай канаўкі, а вугал паміж ёю і воссю свердла — гэта пярэдні вугал.

Умовы работы свердла залежаць ад параметраў гэтых вуглоў і велічынiперамычкі.

Для памяншэння памераў перамычкі праводзяць яе падточку, а адтуліны дыяметрам звыш 40 мм свідруюць у два прыёмы — спачатку свердлам меншага дыяметра, а затым патрэбнага. Гэтыя прыёмы памяншаюць сілавыя параметры рэзання і павялічваюць трываласць інстументу. Дакладнасць апрацоўкі павялічвае і двайная заточка.

Рэжучы кант свердла павінен быць аднолькавай даўжыні, інакш будзе працаваць толькі адно лязо. У гэтым выпадку з-пад свердла выходзіць адна стружка, а радыяльныя складовыя сілы рэзання не будуць ураўнаважвацца iсвердзел будзе адхіляцца ад вертыкалі.

Па канструкцыі і прызначэнню выдзяляюць спіральныя, цэнтро-вачныя, спецыяльныя свердлы. Простымі па канструкцыі з’яўляюцца пяровыя свердлы, рабочая частка якіх уяўляе сабой лапатку. Для апрацоўкі адтулін дыяметрам звыш 80 мм выкарыстоўваюць кальцавыя свердлы, тарэц рабочай зоны якіх мае сячэнне трубы.

Мал. 1. Канструкцыя спіральнага свердла

Дыяметры свідравальных адтулін заўжды большыя задыяметр свердла. Велічыня пагрэшнасці залежыць ад якасці заточкі свердла. Пры рабоце правільна заточанымі свердламі гэтая недакладнасць будзе складаць:

Дыяметр свердла, мм 1−3 3−10 10−18 18−30 30−80

Павелічэнне дыяметра, мм 0,08 0,1 0,14 0,2 0,32

Для апрацоўкі розных матэрыялаў рэкамендуюць заточваць свердлы з рознымі вугламі пры вяршыні, прыкладны выбар якiх ажыццяўляюць па таблiцы.

Табліца